كل واحد يدخل يدور ديرته ^ــ^..

من العنوان طبعا معروف شنهو الموضوع ..

لي رجاء منكم أخواني وأخواتي قبل ما تعقبون على الموضوع ..

أتمنى أن محد يحط بخاطره شي ..

وأتمنى أجوف ردودكم

شباب المحرق: مصنع الرجال ذووق وكشخه ، وحلاوة روحهم مثل حلوة المحرق
كل ما أكلت منها تببي تاكل زوود يتميزون بكلامهم ال ..(( خخخخ لا تعليق ))
الحرف يمدونه سبع أمتار ومصطلحات مالها أول ولا آخر ههههههه
( شنقايل ((الماااارريسه=المدرسه))
ويا ويلك أذا أنت رفاعي ومار صوب نادي المحرق
وفريقهم ماخذ بطوله ، المسكين يتشهد على روحه ( واعلى الدنيا السلام).
يموتون في ناديهم
أما عن بناتهم مافوقهم فووق
ينظرب فيهم المثل ..أحلى بنات البحرين بنات المحرق وبناتهم ملكات جمال
شنو رقه وشعر وبشره وبياض ماشالله وأغلبهم دلايع (( يحق الهم)).




شباب الرفاع : بعد يتميزون بلهجتهم (يووووز عااااني كيوتووووه لووو آآسااااطرووك))
لو = لا
غالبيتهم عصبيين وكل يبون يتهاوشوون وصبيان مدارسهم كل سجاجين في مخابيهم
وكل يوم هوشه بالهده أما عن بناتهم بعضهم جايفين روحهم وايد
وعلى شنو ما تدري وفي منهم اللي مووت موووت جميله وفي منهم السمراوات ،
ومايميز بنات الرفاع عن غيرهم تفوقهم الدراسي وحصولهم على أعلى
معدلات النجاح والتفوق في الدراسه على مستوى البحرين.
<<<<
وعندهم فريج صوب الحنينيه على ما اظن ماعرف أسمه ماتقدر أجوف أحد بالليل ، الا بالنهار. :






شباب السنابس: شباب السنابس غالبيتهم مستقيمين و و و...
بس مثل ما يقولون كل ديره ولها مقبره ،الشباب الثانيين كل في الحوط
ويحــ.... و(عشان ما يروح دمي هذر) ماقدر أكتبها ههههههه .
و شباب السنابس أكيد عارفين شنو أقصد..





شباب كرزكان: ما يميز هالقريه وشبابها أنهم في كل شي متحدين
في كل شي ونادر ماتلقى حد يكره ولد ديرته..
ولين قرروا يسوون أعتصام أو مسيره ماتجوف لا صبي ولا ياهل قاعد أبيته
أول الناس (شبابهم وبناتهم) وحتى العيايز تلقاهم ملتفين حول بعض.
وبناتهم أكثريتم متان ودببه هههههههه وفيهم ملكات جمال بس من يقدر يمر صوبهم خخخخخخخ
راحت عليه اللي يفكر يعاكس بنات كرزكان مايطلع من الديره صاحي ههههههه.





شباب سترة : عيني عليهم بارده، الشجاعه صوبهم
وكل الناس ترقد حزة الظهر الا الستاروه، هياته في هالشمووس
، ذبحتهم البحر وتربية الحمام و يحبون الضحك والغشمره
وخفاف دم وينحبون وبسيطين لي أبسط ماتتصورون
ولهجتهم مميزه (( الأجل اللي أجلتونه جله بجم ))
(بسهل عليكم الجمله السابقه حرف الجيم = ك )هههههههه
وبنات ستره يعجبونك (للي يطمح الى السعاده الأبديه)
عندهم مثل متداول بتخسر الرومانسية اذا ما حبيت ستراوية )....
عاد لا تقربون صوبهم وايد سلندر واحد يفي بالغرض هههههه






شباب الحد : الله على أيام الأول وين السيم والسيف ..
الحد معروف عنها أنها أخر منطقه بالبحرين ،
يعني مكان ما أبليس ضيع ولده خخخخخخخ ،
يشتهرون أهل الحد بحبهم لأكل القباقب والخثاثيق والينم ،
عاد أنا ودي أتكلم عن شبابهم ..
بس وينهم ؟؟ وين يتيمعون أو وين يتلاقون ..الله العالم
لا في فريج ولا في نادي ولا في مآتم (أو نسيت ماعندهم مواتم ) خخخخ .
أولت أمس كلمت (حدواي)، سألته شنهي الميزه اللي يتميزون فيها الشباب
وشهد شاهدا من أهلها :

قالي بالحرف الواحد :
أغلبهم (( مخديين ))
والله على ما أقول شهيد .




شباب المنامة : شبابهم مثل بناتهم حلوووين ورزه وكشخه. وطيبين
اللي يخليك في حيره ..لمى تدش المنامه تلقى كل الأطياف هناك..
الهنود والباكستانيه والفلبينيين والأثيوبيين
والمصريين والأيرانيين وأي دوله أتيي فبالك ..
وين البحرينيين !! تعال دورهم ..
أما البيوت والعمارات .. لا تعليق .ههههه
.أما بناتهم يا أنك أتشوفهم آيه في الجمال ومسكتة .... :
أوان حتى كلمة جيكره شويه عليها خخخخخخخخخ عندهم تناقض عجيب غريب . :
ومشكلتهم المناميين أنهما دلايع وهما يعتبرون نفسهم
أحسن وأحلى ناس بالبحرين وأنهم مب من القرى يعني تمدن آخر حلاوه
ولين تبي تقهر أي منامي قوله يالحلايلي..ههههههههه ..لا حد يزعل






شباب الدراز : الدراز الدراز الدراز
مسامحه شباب الدراز تعذروني ما بتكلم عنكم.
وهالديره فيها سر غريب للحين مالقيت له تفسير !!
ما تسأل واحد
شنو لقبكم
على طول يرد عليك أنا من الشهابي .
مسووين أحتلال خخخخ .عيني عليهم بارده.
بتكلم بس عن البنات وأكيد تعرفون ليش ههههه .
معروفين بنات الدراز أن الوحده منهم عن عشر رياييل ..
شياطين وتحمل يا صبي أتفكر تتحرش فيهم ..





شباب جدحفص : المفروض والواقع يقول أن جدحفص مدينه..
بس المفروض والواقع غير ، لا مبين أن جدحفص مدينه ولا عمرها جافت التمدن
شبابهم واعين وأكثرهم مثقفين وجامعيين..
وذا تبي اتجوف الحركه في المدينه المهظومه تعال يوم الجمعه بتجوف خلق الله
واتحملو شباب اتدشون جدحفص .. :
اللي مركب له ست ( سماعات وشغل عدل ) يفكر يطول صوت الأغاني خخخخخخ
بيطلع من عندهم شايل وياه بس زيجايره و ولاعته وبوكه
هذا اذا طلع هههههههه.






شباب جد الحاج: شاقول عنهم!! شباب جراند فاذر خخخخخخ .؟؟!!
أكيد فيكم الحين من يقره الموضوع توه يدري ان في منطقه بالبحرين بهالاسم
وين اتصير على الخارطه ، مادري وين الله قاطها .
شباب جد الحاج مالهم شغل لا بسياسه ولا بغيره
طيبين وحياتهم بسيطة ولا فيهم من الغرور شي
أغلب الشباب : حوطه واسطبلات خيول خخخخخخ
وللحين ما وصلهم شي أسمه موتر سيكل خخخخخ.
واما بناتهم كان الله في العون مع ان الحلا حلاة الروح
أستغفر الله العظيم الجمال( بفتح الجيم ) ما مر ذاك الصوب موليه هههههههه
بس لو فكرت تعاندني وتبي تطعن في كلامي نصيحه لا تتعب روحك.






شباب بني جمرة : ماشاء الله عليهم ،
اذا بنتكلم عن شبابهم حلوووين متدينين ومثقفين
ومنهم الفنانين والخطاطين
يعجبوونك حق الترسم على لطوف والجدران خخخخخخ
وذبحتهم أذا تكلمهم في السياسه ههههههه أتصير أحسن واحد خخخخخ
وفي منهم شباب ما يدرون ولا يبون يدرون شاللي يصير بالديره
مشهوره بني جمره بالفخار طبعا خخخخ أقصد النسيج
طيبين زياده عن اللزوم وبسرعه ينقص عليهم خخخخخخخ.
واذا يينه لبناتهم رزينات وحلاوووات ودلاعتهم معقوله، وفيهم من يوزن عقلها جبل :






شباب باربار : قيبششششش وصلنا لأصل حضارة البحرين
مادري من سماها بهالاسم ،يذكرني بمسلسل كارتوني قديم
ويذكرني بكتاب التاريخ على أيام الأبتدائي رسمة ابو ( قرون ) ههههههههه.
شباب باربار مشكلة مالها حل
يعني يا أنك اتلاقي ذاك الصبي النور والتقوى يشع من ويهه من كثر العباده..
او تلاقيه ( lovery) هههههه بس كلهم في النهايه يجتمعون
في ميزه تجمعهم بحب وعشق كرة اليد ولون البنفسج.





شباب جدعلي :آغا جتووري جيكر ..جي خبر دلم .. مو خاترت ميخم
..أز دل ههههههه على الله الكلام اللي قلته مايطلع سبيبه هههههه
شباب جدعلي شحلاتهم مافي على لبسهم وذوقهم ،
القصات والحركات الكشووخيه أول الناس أهما
.. وما يتحصلون في جدعلي كلششش .
بس لين تبي اتجوفهم روح الصاله الرياضيه بالجفير
اذا في مباره سله لفريق المنامه..
بتجوف فازلووهه وريزووه وممدي و( هماتن )
مادري اذا صح يعني كلهم .خخخخخ
أما بنات جدعلي waaaaaaw ياعيني يا عيني يا عيني
حلوات بطريقه غير طبيعيه@@
البنت اذا بتطلع وحتى لو رايحه مشوار البراده لازم الميك أب وذاك العطر خخخخخخ ،
رايحه عرس مب براده ههههه من جذي انجوفهم جميلات بمرتبة الكمال .







شباب المدينة : أيه عليهم صبيان المدينه ..فديتهم
يمكن بكلمتين أوصفهم هههههههههههه
باليس وسطل ماي وباركات جسميز خخخخخخخخخ.
شباب المدينه تلمع في السييايير ليل نهار .
يعني شي عادي يضيع يومه على تلميع السياره
حق طلعة الليل شارع الحب وشارع العدليه..
وفي نقطه مابي حد ياخذها بطائفيه
بس حبيت أعلق عليها كلنا أهل وحبايب والله لا يفرق علينا دووم ..
الميزه الحلوه أنك ماتقدر أتميز الشيعي من السني....
ونشالله ديرتنا متماسكه شيعتها سنتها آآمين يارب وعسى الله لا يغير علينا.







شباب البديع : البديع الله على سواحل ديرتها ..
يغلب على طابع البديع نقاط سمراء هههههه
يتميزون بسمارة بشرتهم..
يعني شوي من الجسره والزلاق على الرفاع هو نتاج البديع
طيبين بسيطين مالهم حس ومالهم شغل بأحد ..
يعرفون شغله وحده بس في الدنيا (( الغوة)) ههههههه
يعني قوة الدفاع ، 99%99 نسبة اللي بالجيش .
أما عن بناتهم فأترك لكم حرية التخمين ...




شباب مدينة حمد: أحم أحم عاد وصلنا حق شسمه شيسمونه

لازم أقول كلام زين عنها خخخخخخخخخخ .
ومب قايل لكم الأصل من وين عشان ماتعرفون نننياهاهاهاهاع
مع أن كل اللي ساكنين مدينه حمد ( مكس ) من كل بستان زهره.
مدينه حمد حديثه أفتتحت سنة 1984 م.
فمعناته كل اللي ساكنين فيها يايين من القرى والمدن .

بس تبون الصج الحق ينقال .. تبون اتجوفون الصياعه على أصولها!!!
حياكم مدينة حمد...
حاصلين على المرتبة الأولى في الصياعه هههههههههه.
بعض من شباب مدينة حمد توه ما بلغ تلقه الزقاره في حلجه،
ويمعه الربع صوب البراده وقززز في البنات خخخخخخخ
أما بنات مدينه حمد ماشالله عليهم ياحبهم حق الرياضه
تلقونهم من الدوار الرابع الى الدوار الأخير زحف ..
رايحه ياييه يعني رشاقتهم ماعليها أي كلام ..
ومساكين يالبنات متغربلين من الصبيان متغربلين منهم غرباله ::
غير ذي كل دوار لازم تلقى فيه شي مميز ومعروف وبس ما يصير شسمه هههههههه .






شباب المالجية: ديرة الشجعان والأبطال
بس يا حسرة شبابهم مساكين
أغلبيتم طالعين من أول أعدادي ،
أضعف الأيمان الثانوي بعدين تتوقف عجلة الزمن عندهم،
وشباب المالجيه كلامهم كل عن الكوووره والنادي والمنتخب ،
غير يمعتهم على شارع اللي يودي دوار 14
كل ليله جمعه
مسووين هالشارع حلبة البحرين مكي شماخروو ويه نسووي
وخذ عاد تحدي الشباب.
أحلى شي بالمالجيه المرتفعات اللي بالشارع الرئيسي ..
عادي ونت ياي مسرع بسرعة 50 وتشقح المرتفع ولاتحس بشي ..ههههههه
وبنات المالجيه واعليه ...
أهوه من الأساس فيها بنات؟؟
جاووبوني يالملجاويه هههههههه
الديره مترووسه عياييز الله يحفظهم وما يدورون مشيتهم الا صوب الشارع العام..


وترى هذا مجرد كلام ويحتمل الكثير من المبالغات يعني لاحد يزعل مني

القصد من هالموضوع ترفيهي ليس أكثر

وتحية لكل شباب البحرين كلكم على رااااااااسي

من الحد أولهم مرورا بكل المناطق الى الزلاق آخرهم ..

كل واحد فينا يفتخر بأصله وانتمائه بس بالاخير نجتمع

كلنا في حب هالأرض الطيبه

واللي معروف عنه بكل العالم .مافي على طيبتنا

(( طيبة أهل البحرين ))

يقول انت عزيز الراس ..وأهلك من أعز الناس .. يقول أنت بحــــــــــــــــــريني

منقوول

شباب الرفاع : بعد يتميزون بلهجتهم (يووووز عااااني كيوتووووه لووو آآسااااطرووك))
لو = لا
غالبيتهم عصبيين وكل يبون يتهاوشوون وصبيان مدارسهم كل سجاجين في مخابيهم
وكل يوم هوشه بالهده أما عن بناتهم بعضهم جايفين روحهم وايد
وعلى شنو ما تدري وفي منهم اللي مووت موووت جميله وفي منهم السمراوات ،
ومايميز بنات الرفاع عن غيرهم تفوقهم الدراسي وحصولهم على أعلى
معدلات النجاح والتفوق في الدراسه على مستوى البحرين.
<<<<
وعندهم فريج صوب الحنينيه على ما اظن ماعرف أسمه ماتقدر أجوف أحد بالليل ، الا بالنهار. :


خخخخخخخخ لا مشكوره كفيتي ووفيتي

شباب الرفاع : بعد يتميزون بلهجتهم (يووووز عااااني كيوتووووه لووو آآسااااطرووك))
لو = لا
غالبيتهم عصبيين وكل يبون يتهاوشوون وصبيان مدارسهم كل سجاجين في مخابيهم
وكل يوم هوشه بالهده أما عن بناتهم بعضهم جايفين روحهم وايد
وعلى شنو ما تدري وفي منهم اللي مووت موووت جميله وفي منهم السمراوات ،
ومايميز بنات الرفاع عن غيرهم تفوقهم الدراسي وحصولهم على أعلى
معدلات النجاح والتفوق في الدراسه على مستوى البحرين.
<<<<
وعندهم فريج صوب الحنينيه على ما اظن ماعرف أسمه ماتقدر أجوف أحد بالليل ، الا بالنهار. :



،،،،،

فديت اهل الرفااااع انــــــة

اوويه عليهم ماال الرفاع..

ثنكس ع الردود

أما عن بناتهم مافوقهم فووق
ينظرب فيهم المثل ..أحلى بنات البحرين بنات المحرق وبناتهم ملكات جمال
شنو رقه وشعر وبشره وبياض ماشالله وأغلبهم دلايع (( يحق الهم))..

احم احم لوووووووووووووووووووول

تسلميين مس دبوو على الموضووع وعسااج ع القووة ..

فديت اهل الرفاع انا كح كح ... تسلمين اختي على هالموضووع

تسلمين اختي على الموضوع الحلو

لله يسلمكم ومشكورين ع الردود الكوول..

يسلمو بس مافي ديرتي :s

وااااي فديييت واللله اهل المحرق ..

يسلمووو ع الموضوع الكووول ..

أما عن بناتهم مافوقهم فووق
ينظرب فيهم المثل ..أحلى بنات البحرين بنات المحرق وبناتهم ملكات جمال
شنو رقه وشعر وبشره وبياض ماشالله وأغلبهم دلايع (( يحق الهم))..


تسلمين على الموضوع

شباب الرفاع : بعد يتميزون بلهجتهم (يووووز عااااني كيوتووووه لووو آآسااااطرووك))
لو = لا
غالبيتهم عصبيين وكل يبون يتهاوشوون وصبيان مدارسهم كل سجاجين في مخابيهم
وكل يوم هوشه بالهده أما عن بناتهم بعضهم جايفين روحهم وايد
وعلى شنو ما تدري وفي منهم اللي مووت موووت جميله وفي منهم السمراوات ،
ومايميز بنات الرفاع عن غيرهم تفوقهم الدراسي وحصولهم على أعلى
معدلات النجاح والتفوق في الدراسه على مستوى البحرين.
<<<<
وعندهم فريج صوب الحنينيه على ما اظن ماعرف أسمه ماتقدر أجوف أحد بالليل ، الا بالنهار. :

فديييييييتهم اهل الرفاع الله يحفظهم ^_^

ويسلموو ع الموضوع والله يعطيج العافيه