حبي الأول والأخير

السلام عليكم ...

شاغل لي بالي مثل ما أنا شاغلة تفكيره .. يشتاق لي ويتوله علي كثري ويمكن بزيادة ..
حبه لي زلزل الأرض من تحتي .. عيشني بعالم ثاني .. عالم ما مثله بالوجود ..
نساني حتى اسمي .. ما عدت اذكر غير اني له وهو لي ..
حبيبي ما القى مثله أبد لو طفت هالكون كله ..
محد غيره قدر يسكن القلب ويملي العين .. من أول نظرة وبسمة .. وخلاني ليل ونهار مفتونة به .
حبيبي عايش معي .. بقلبي .. بروحي.. بوجداني ..
مهما يغيب عني القاه في أحلامي وتخيلاتي ..
أحبه .. يا كثر حبه بقلبي .. اعشقه .. العشق قليل في وصف شعوري ناحيته ..
أنا اللي أحسه شي ما ينوصف .. شعور ما مثله يكون .. روحي تتبعه وقلبي مسير وراه .. ما أشوف غيره مهما كثروا اللي حولي ..
حبيبي .. هو ملك روحي .. فارس أحلامي .. آسر روحي .. أميري .. كل شي بدنيتي الصغيرة ..
هو حبي الأول والأخير ..
بابقى على حبه لين ما اندفن تحت التراب .. واغيب عن هالعالم ..
وما تبقى غير ذكراي شاهدة على أصدق وأطهر حب عشته بحياتي ..

اختكم .. ام خليفة ..