ليه تحزن ياعمري؟؟

قلـت وين ربوعنـا قالـت سلوا


كشّـرت في وجهي رمـال(ن) عطاش


شـالوا الدنيـا معاهم وارحلـوا

لا علـوم ولا سلوم ولا بقـاش

عندي راحوا بس في القلب انزلوا
مثل ماينزل على الورد الفـراش


*


*
*


شكواي للي عليه الضيق وافراجه
إللي إذا شاء يرحمني ويرزقني
أما إنت يابوجبين عقد حجاجه
لاعاد تسأل علامك منت طايقني
الناس كلن على دربه ومنهاجه
وانا عن الناس مابه شي يفرقني
إلا إني دايم احب الصدق و أواجه
مخلوق والله على ها الوضع خالقني




*
*
*
*





لوغبت في قلبي إلى الموت موجود
طيفك معي في نزلتي وارتحـالي


أقبلت مثل إللي يبشر بمولـود
واقفيت مثل إللي يعزي بغـالي




*
*
*
*




يا خفيف الظـل يافصل الربيع وما جــنى
أوحشت غيبتك ريضان الزهر والعندليب


في غيابك ماقدرت أجيب شي من الهنا
وأنت تدري يوم أنا وياك وش كنا نجيب




*
*
*
*





رغم إن قلبي ممتلي من طعــونك
أليـا زهمته بالغـلا قال: لبيـك


تدمع عيوني لا التقت في عيونك
وشلون لو كفي تضمه أياديـك




*
*
*
*



دلع .. لعب .. افراح


من جا يجي ,, ومن راح ماأقول راح
طبعي كذا ما أهتم ماهو تبـاهي


أباخذ الدنيا " دلع / لعب / وأفراح "
وإن عاندتني قلت: يا أنا يا هي .




*
*
*
*





عتيم الليل



سهرنا ... في عتيم الليل ... حزين الهمس ...
قدرنا ... ننتظر باكر ... شعاع الشمس ...
تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه




*
*
*
*





رحتي ولا اظنك تجين



إنتي عيونك هاالمدى .. بحر وطيور مهاجرة
تركت في شطه صدى .. صوت تجرح آخره
ليتك سمعتي صرختي ..
بالحيل كانت صادقه


إنتى عيونك نجمتين .. ضي ورا ضي يعود
ويادوب غابوا ليلتين .. خلو شموس الكون سود
رحتي ولا اظنك تجين
وين الوعد يامفارقه ؟




*
*
*
*



مااريد سلواك


لا والذي سواك ما اريد سلواك
ما أخبر به نفس تمنت قدرها
وكان التفرق يا ادعج العين عناك
أنا الذي روحي عذابه صهرها
والله لو ما اعي .. نفسي برجواك
واجزم وَكاد إنه يهمك خبرها
لأطفي شعاع العمر .. لا غيّب ضياك
عميت عيون ما يطولك نظرها




*
*
*
*



السفر والخوف



تعبت من السفر والخوف..
وغربة قلبي والأحزان..
ياوحشة قلبي من دونك..
ياوحشة روحي والخاطر..
تعبت من الفراق إللي..
أبد ما شفت له آخر..
تمنيتك على بعدك..
تمنيتك أهل وأوطان..
تمنيتك هنى عمري ..
فرح دنيا وأمل باكر..




*
*
*
*




ليه تحزن ياعمري



ليــه تحزن ياعمري والضيــاع إمخلـــــــــوف ؟!
( شــوفنــي مبتســـم والــدون تكـــوي كــــــــوي )


لأن عنـــدي درايــه في الزمــن ومعــــــــــــــروف
السّـــــوي , إللّـي يسبّه شخص ماهـــو ســـــوي !!


تـــدري ليــه أتبسّـــم لاشتمـــوني ضـــعـــــــوف ؟
لأن شتـــم الضعـــوف , يدل إنّـــي قــــــــــــــــوي !!




*
*
*
*



على صدر الزمن



خطايانا دليـل إننـا بشـر ومنّـا الخطـا ذاتـي


على صدر الزمن بكتب شعوري موعد وعنـوان


تعرف الشوق لو فتّشت عـن سـر إبتساماتـي


إذا كان الهوى نعمـة بحطـك نعمـة الرحمـن


واذا كان الهوى غلطـة بحطـك كـل غلطاتـي




*
*
*
*



خابرك حساس


خابـرك حسّـاس وتخـاف الزحـام !
خـاف قلـب بـه همـوم مجمعـه


إعتـقـه لله !! واتـركـه بـســلام
ما بقى بـه عـرق تقـدر تقطعـه


ضامي واطرد سرابك ( نصـف عـام )
حالتـي حالـه ! واجامـل واتبعـه ..


كل ما طـاح ( الأمـل ) شلتـه وقـام
لين طحت ! ولا لقـى مـن يرفعـه ؟!


غلطتـي كنـت انتظـر منـك اهتمـام
وغلطتك ( بُعدي ) ثمنها و ( ادفعـه )


لا تقـول البُعـد والفرقـا حــرام ؟؟
الحرام : أعطيك ( عمـر ) تضيّعـه !!




*
*
*
*


فلان وفلانه



غواص بحر الهوى ..لاحصل ..الدانه
يبلع صدفها عن اهل الغوص .. لويعنا
وانا لقيتك وروحي فيك ولهانة
وشلون ابينك ..للعاذل ويخدعنا
دام الامل حي والاشواق ..عطشانه
لابد من ليلة ..تضحك..مدامعنا
مافيه داعي نشوف فلان ..وفلانه
برهان حبنا برغم الناس .. مقنعنا




*
*
*
*



الهوى والباب



كل مادق الهـوى البـاب
0000000قلت ذا المحـبوب جــاني


الهـوى والبـاب كـذاب
0000000مايريـد إلا امتحــــاني



*
*
*
*



العهد والميثاق



لولا عهودي وميثاقي
وحرمة العهد والميثاق


لحرقت في الحب أوراقي
مادمت ماتقرا الأوراق




*
*
*
*



ياالغايب الحاضر



يا وش بقى باعطيك مني ولا جاك
ماباقي الا روحي احيا بها لــك


اوصف جمالك كل مانشدت واهواك
وازين ايامي بجلسة خيالــــــك


يالغايب الحاضر بقلبي ولا القاك
اقرب من عروقي وصعب منالــك


شالك زماني عن عيوني ووداك
لا شك وثق في ظلوعي حبالــــك




*
*
*
*





الفراق



أدري إنك بتتألم يـوم قـرب هاالفــــــــراق
ويعلم الله ما قصدت أجرح خفوق يودنــي
أنجبرت أسلك طريق موحشه ماهي تطاق
وأنجبرت أحيا حيـاة مظلمـه بتهدنـــــــي
ربي لحاله يدري عن خفوقي كيف ضاق
وأظلمت فيني السنين وعالجروح تحدنـي




*
*
*
*



الحب باقي..والوفا بعد ما غاب
0000000000من حب لو مره..بيعرف كلامي


ما يعرف الأشواق..نذل وكذاب
000000000الحب دنيا..من المعاني عظامي




*
*
*
*




ليتني



ليتني من قلبي وعقلي طليق
وإني أقوي ذل نفسي .. والنفاق
كان ياما ... صار عندي من صديق
وصرت له صاحب ... وعانقني إعناق
البلا إن الطبع في مثلي خليق
ما يعدل لو عدل شط العراق




*
*
*
*



خذني معك



خذني معــــــــــــك من وين مارحت ويــــــــاك
خذني بقلبـــــــــك .. دام قلبي رهينـــــــــك
صعبـــه ترى لـــو شفت وشلون أبســـــــــــلاك ؟
لو طفت هالعالــــــــــم ترانـي سجينــــــــــــك !!
اعاهــــدك ببقى على الحب منســـــــــــــــــاك
عـــهــــد قطعته بيـــــن .. قلبي وبينــــــــــــك !!




*
*
*
*



ياملاكي



يا مـلاكي ليه نقضـت الجـروح
الله يسـامحـك لـو لـوعتنـي


يا خفيف الروح يالوجـه الصبوح
للهـوى غصـب عني رجعتنـي


قبلك احساسي تجمـد مثل لـوح
وعقب نظـرات الخجـل طوعتني


شفت في عينك وعد سعد يلـوح
ومن طويلات الهـدب شجعتنـي


انبعث في قلبي اللي مـات روح
ولو نطـق بيقول ليه أوجعتنـي


فاض حبي لك مثل طوفان نـوح
ومثـل مـا فرّحتنـي روّعتنـي




*
*
*
*



الليالي السود



تسري الليالي السـود مثل الحريقه
تحرق من أيام العمر خضر الأوراق


ونور الأمل في الوصل يفقد بريقه
ودايـم وحنـا بالإسم بس عشـاق


أظهر لي الواقـع ومـر الحقيقـه
كل شئ يقـول إفراق وافراق وافراق




*
*
*
*



قالوا يحبك ؟



قالـوا يحبـك قلـت هذا هـو الويـل
مـا ودي أنشـد ثم رفضـه يجينـي


وأهـدم رجـاي بدبرتي مثل ما قيـل
والأفضـل أحيـا بالأمـل لو لحينـي


يا حبـكم يـا نـاس للقـال والقيـل
والأمـر لـو سهـل يصبـح مهينـي


خلوني أحيـا في الوهـم يا عواذيـل
وش دخلكـم والأمـر بينـه وبينـي




*
*
*
*



كرهني بنفسك



كانك على قولك تمنى لي الخير
ساعدني أنسى حبك إللي خذاني


خلي حياتي تنقلب كـلها غيـر
وانسى الحبايب والزمن والمكاني


حبي لك أبلغ من كـل الأساطير
ماله بقاموس الهوى وصف ثاني



كرهني بنفسك ولو بذنب صغيـر
القى به اعذاري واعود لزماني


المشكل انه ما بدى منك تقصيـر
وهذا يزود واقعك في كيــاني




*
*
*
*



ماني مثل أي احد



أدري إن القصايد ما تهمك أبد !
...................... لا تحسيين بأحزاني .. ولا بالهوى


قلتي إنك تحبين الوفاء بالوعد
...................... لكن الصدق في داخلك .. مالك لوى


يا وفيّه .. أنا ماني مثل أي أحد !
....................... وإنتي اليوم خليتي الأصابع سوى




*
*
*
*



لاتطري الفرقى



لا تطري الفرقى .. ترى منتب بعيد !
.................... قريتها بعيونك من أربع شهور



شفتك تعيد بقسوة القلب وتزيد ..
.................... قلت النهاية واضحه ماتبي شور ..




*
*
*
*



ياصبح طمني



يا صبح طمّني عسى قلبه بخير
. . . . يا صـبح جب منه الخبر والبشاير


للشوق لذعه .. والوله طعنته غير
. . . . وفي القلب ماباقي فضـا للخساير


يا صبح قله كلمة دون تقصير :
. . . . " قطع الوصل قطع الحشا والضماير"




*
*
*
*



أرض الأحلام



أرض الأحلام وأشجار الأماني يباس
.............وإنت ظالم .. ولكني أحبك كثير !


واضح إني خسرتك للأبد وأنت حاس
............خلك أقوى شوي وإعترف بالمصير !


رحت يوم إرتوت فيني عذوق الحماس
...........مثل من ياخذ اللقمه من فم الفقير !!




*
*
*
*



العالم كتاب



العالم كتاب .. وسنيني قلم .. واللي أعيشه كلام !
........................... وأحزاني غياب .. وشعوري بكا .. واللي بقالي قصيد


والشعر أحاسيس تنبت فوق صدر اللي ذبحه الغرام
........................... وأنا ذبحني غرامك .. يوم صدري جرهدي ما يفيد !


والناس لا جت تمر البال .. مرتني مرور الكرام !!
............................ إلا إنت .. من تطري أتناساك .. ثم تطري علي من جديد


كنك دعيت بضحى جمعه وريقك ناشف من الصيام !
............................. إنك تصير آخر أحبابي .. وأصير الوافي اللي بعيد




*
*
*
*



بكره



بكره إذا قال القدر فيني قولة
وأرخيت جفني على مركبه وشراعة
الموت بكره إذا عانقت مرسولة
وأهديت لة عمري وداعة
وتوصلك أوراق بحروف الدم مكتوبة
وتصرخ ياليت ماضيقت صدره ولو ساعة




*
*
*
*



ماعاد أسمعك هالصوت



أكلمك..والعذر حبيت أسلم
..........ولا الصراحة ..مشتاق لك مووت


أمانتك لاضقت مني تكلم
.........وانا اوعدك ..ماعاد أسمعك هالصوت!


اتمنى تعجبكم
دمتم كما تحبون ...